01/05/2009
文： P.Yeung
可宜（Natalie）發現有可疑！呢位靚女主播最愛食美式Junk Food，漢堡包、薯條、熱狗食極唔厭。收到風蘇豪有間新餐廳UNION J，主打「新派美國菜」，為了查明真相，她決定深入餐廳搵答案。誰知「玄機」原來一早寫在黑板上，有辦你睇，Natalie即時放心晒，吃得開懷。
如果你都跟Natalie一樣，對美國菜存在舊印象：分量驚人、煎炸油膩，食物以水牛雞翼、漢堡包、薯條及熱狗等為主，就已經Out晒喇！事關美國飲食界近年進行大變身，創出新派美國菜，比總統奧巴馬講Change還要早。
分量小巧精細
餐廳其中一位「煮」腦、行政總廚Eric Johnson解釋：「美國有很多不同民族，每個都有獨特的飲食文化，並且互相影響�鞳C很多大城市，如紐約、波士頓及加州等，近年將東西岸及其他國家的食材結合，再互相配搭烹調，成為新派美國菜，感覺很國際化。」另一「煮」腦─行政餅廚Jason Casey補充說：「食物選擇會比以前多，不再只得漢堡包、薯條及熱狗。而為配合健康食潮，新派美國菜的分量小巧，賣相精細，烹調時少鹽少油，並以新鮮香草調味，味道更清新；為保持食物原味，甚至會以慢煮方式烹調，不再一味的Fast Food。建議品嘗時配以白酒，以凸顯新派菜的風格。」
聽完大廚們解說，Natalie都覺得新派美國菜好吸引：「雖然我對食無咩要求，日日食漢堡包都唔厭，但其實唔多健康，要適可而止。反而新派美國菜健康清淡，有菜又有肉，營養均衡得多！」
取材配合時令
不說不知，兩位大廚都對香港情有獨鍾，是以今次決定開業，毫不猶豫就從上海過來。Chef Jason笑說：「之前我倆都在上海工作，一有假期就會來香港玩，覺得這個城市好靚。」Chef Eric在旁附和：「香港的生活節奏跟美國很相似，很有親切感，這裏有不同國家的食材，方便我們炮製菜式。」據說兩位大廚除了從外地入口優質食材，亦經常到中環街市購買新鮮蔬果及海鮮，因為新派美國菜也很講究時令。正因如此，餐廳的食物選擇不多，頭盤、主菜、甜品平均每類只得六、七種，每兩個星期都會轉款，而餐廳內的幾塊黑板，更會畫上不同菜式的模樣，並標明材料分量，感覺可愛得意，吸引了Natalie駐足觀賞：「黑板畫的70%暖心朱古力蛋糕配開心果雪糕，跟我手上的實物一樣，照住點菜，幾方便喎。」
查詢：2537 2368
雙J煮持人
UNION J是由兩位「J」字的名廚Eric Johnson及Jason Casey作「煮」持，前者主力頭盤主菜，後者鑽研甜品，各擅勝場也大有來頭。
行政總廚Eric Johnson
曾跟多名世界級名廚如Daniel Boulud及Joachim Splichal等學藝，之後加盟紐約Jean Georges旗艦餐廳，鑽研法式料理的技巧，數年後在Jean Georges於巴黎開設的Market餐廳擔任行政總廚。其後被派往上海外灘的Jean Georges餐廳，出任總廚兼合夥人一職。
行政餅廚Jason Casey
拜一代甜點宗師Otto Bernet為師，又曾到法國有名的糕餅學校Ecole Lenotre學藝，廚藝因而更上層樓。搬到紐約後，曾於Restaurant Daniel、DB Bistro，以及在榮獲米芝蓮三星的Jean Georges餐廳及其Cafe Nougatine工作，二○○四年更被派往上海外灘的Jean Georges餐廳出任甜點總廚。 
)
)
)
)
)