19/02/2009

文： Vica


某廣告宣傳語話：「Impossible is Nothing」，對此小記非常認同，只要有創意、夠膽試，甚麼事都有可能發生。最佳例子有中國人歐陽靖（MC Jin）竟在美國Rap贏黑人歌手；還有平常用來燉湯的老鴨，竟用來做火鍋湯底。今日MC Jin就踩入新開張的「老三火鍋」用老鴨湯底打邊爐，唔知又會唔會Rap番段Solo！

雖在美國邁阿密出生，但Jin的父母都是香港人，說得一口流利廣東話是意料之內，卻沒想過Jin一家人經常吃火鍋：「每逢冬天都會一家人喺屋企打邊爐，好溫馨。來到香港，我會約埋朋友一齊打，多數會去九龍城。不過食來食去都係牛肉、魚蛋、海鮮同菜。」難怪他今次來到長沙灣的新店「老三火鍋」，看見枱上多款未見過的火鍋料時會嘖嘖稱奇。

配搭意想不到
首先出場的老鴨湯底，香濃氣味觸動了 Jin的嗅覺神經。老闆稱老鴨湯底乃全港獨有，他們由內地進口超過一歲大的米鴨，配合具藥用功效的食材，每天花四至五小時清燉而成。待有柯打時，便會換上每隻約兩斤重、約數星期大的嫩鴨原煲上枱，客人可先喝碗燉鴨湯、吃些燉得超腍身的鴨肉後，再加入豬骨上湯才開始烚烚吓。現時店子力谷多款意想不到的配料，部分更是自家創製，例如以蝦膠裹着三文魚子的魚子鮮蝦卷，以及全港罕見的醉雞丸，師傅將清遠走地雞肉手打成漿後用酒醃味，搓成丸狀後，再釀入以十五年花雕製成的喱，師傅又說醉雞丸淥約五分鐘便可食用，輕咬一口，中間的花雕勁力濺出，爆漿之名，所言非虛。

限量牛肉騎呢位
創新的火鍋配料吸引着乜都夠膽試的Jin，但靚牛肉的「味」力同樣令他無法抗拒。除了極品手切本地肥牛外，店內還供應較少見的牛胸爽肉及牛脷心托，前者是牛胸部兩排肋骨中間的肉，呈近似脂肪的奶白色，甘香爽口；後者則是牛舌底下中央的承托位，爽口之餘，還很清甜。不過，由於貨源有限，每天只限量供應十數碟，建議大家訂座時順便預留一碟。至於其他配料，在品質和味道上亦加以改良，像各式餃類，如紅蘿蔔餃、椰菜餃，以及用韮菜、木耳及葱製成的「招牌餃」皆刻意少放豬肉，健康之餘，同時令客人可以嘗到餃子的真滋味，而超愛吃韮菜的Jin亦勁讚：「雖然已經講咗三十幾次好正，但真係唔可以唔講，真係好正！」

MC Jin's Profile
美籍華裔饒舌歌手，喜歡周星馳，喜歡爛Gag。於美國各大饒舌比賽（Battles）中Rap贏多位黑人參賽者一炮而紅。去年八月回港「尋根」發展，並推出大碟《ABC》，農曆年間推出大碟《免費Rap》免費派街坊，今年計劃再推出一隻廣東話及一隻英語饒舌大碟。

查詢：2360 2336