03/06/2007
文： 專案組 攝：沈健程
李綺雯不時主持飲食節目，因此練成一條「皇帝𡘾」，即使歎大牌檔小炒亦有要求。最近她拜師轉戰飲食界的黃翊夫婦，學做辣酒煮花螺及咖喱炒蟹，希望有朝一日開間大牌檔，煮出風味美食。
李綺雯（靚妹）入行後變得十分饞嘴，鮑參翅肚吃得多，都會懷念昔日與親友落大牌檔「炒番幾味、飲多兩杯」的日子。她得悉黃翊與太太陳存正投身飲食界，搞大牌檔搞得有聲有色，因此向他們拜師學藝，學做兩味撚手小菜，滿足自己的「皇帝𡘾」。
有烹飪天分
靚妹閒時在家亦有下廚，一餐飯有魚有肉，絕對難不倒她。不過，今次學做辣酒煮花螺及咖喱炒蟹，靚妹笑言聽到個名就知道難搞！但經陳存正悉心指導下，她慢慢掌握到煮大牌檔小炒的竅門，不過始終是女仔人家，要靚妹對�騢絢結r火、又要拿起十多磅重的大鑊，確實相當困難，幸而最後都順利過關，煮出兩款風味小炒。
對於靚妹的「傑作」，黃翊夫婦吃得津津有味，更直豎拇指大讚有天分，靚妹即牙擦地說：「就算我冇�酈窗A都可以開番間大牌檔，一定唔會餓死！」
辣酒煮花螺
材料
花螺一斤、沙爹醬適量、豆瓣醬適量、桂林醬適量、秘製柱候醬適量、XO醬適量、辣酒適量、辣椒少許。
製法
1.先把螺肉「汆水」處理。
2.製作醬料，然後將醬料落鑊，再加上調味粉。
3.將材料落鑊，以足夠的火候炒起。
4.加酒，與材料一併炒勻後即可上碟。
咖喱炒蟹
材料
奄仔蟹、沙仁粉、大回、小回、玉桂、紅椒粉、印度咖喱粉、西芹粉、石栗、香茅、花椒及八角等。
製法
1.先「彈粉」，將調味粉彈落已準備好的蟹中。
2.把蟹「走油」。
3.將青紅椒炒至半熟，然後把蟹落鑊，拋鑊炒可令菜式更夠鑊氣。
4.加咖喱粉炒勻後便可上碟。
小貼士
1.由於酒氣攻鼻，落酒時可稍作閉氣。
2.要花螺入味，煮前先浸由二窩頭和玫瑰露等釀成的秘製酒，最少浸八小時。
)
)
)
)
)