04/07/2006
文： Kevin
位於灣仔的Olala一碗麵，剛剛由星街搬去聖佛蘭士街，以正宗上海麵做主打，走的是高檔路線。有幾高檔？平均一碗麵要成一百大元，絕非我等凡夫俗子、下等蟻民聚腳食飯之地。不過「一分錢一分貨」，賣咁貴當然有其道理，採訪當日模特兒更食唔停口，一碗麵絕對唔夠喉！
原本位於星街的Olala一碗麵，由於受食客歡迎，開了幾個月就搬去鄰近一個較大的舖位，繼續走高檔上海麵路線。雖說以麵食為主，但單從門面看來，實在睇唔出係間麵店，門外的小紅磚、西式油燈，再加上一列落地玻璃，活脫就是一間西式小店的模樣。誰知道一步入店內，卻是另一番光景，全店以白色作主調，牆壁掛有不少書法作品及中式擺設，旁邊還有一個開放式廚房，百分之百中式布局。
湯底麵麵不同
除了裝潢，菜牌亦煥然一新。原有的河粉、米線通通不見，專心一意做麵。這况全部採用正宗上海麵，麵身粗幼適中，沒有加𡞲水、梳打水都夠晒煙韌彈牙。至於湯底同樣有心思，每款麵都有各自的湯底，例如羊肉麵有專用的羊骨湯底、海鮮麵就用海鮮湯底，務求令湯、麵、𣆥三者襯到絕，不似一般粉麵店，一款湯百搭到底。
30款滬式凍食
想食靚麵，就要一試這况的「弄堂大排麵」。身為上海人的周老闆解釋：「弄堂是上海的特有建築，由很多小巷貫穿連成，以前巷內有不少家常麵店，充滿地道風味。」排骨經秘方醃製炸香，未食已聞到陣陣香氣，肉質結實有口感，即使經湯水浸過仍然非常香口，難怪深受食客歡迎。另有接近三十款的小食供應，以正宗滬式凍食為主，包括烤麩、燻魚、糖心蛋等等，由於製作較繁複，在香港都較為少見，同樣值得推介。
查詢：2294 0426
)
)
)
)
)