09/03/2006
文： Dara
尋寶遊戲現在開始！地點是太古城中心、由新加坡大集團經營的Food Republic（大食代），佔地二萬三千平方呎，雲集二十一間精選食府。今次的目標，是從中找出至正宗的地方口味，條件之一是要由當地廚師駐場，菜式地道無溝雜質。若在Food Court可以覓得具水準的食店，唔係寶係咩呢？大家一於出發尋寶吧！進入嶄新飲食時代，連Food Court都要改革。由新加坡上巿集團Bread Talk Group經營的Food Republic，繼上海、北京、天津等地後，最近已進駐本港，發展自助式高級餐飲服務。究竟它跟傳統Food Court有何不同呢？最大分別就是高檔。
派當地廚師駐場
新店位於太古城中心一期，投資額高達一千二百萬港元，裝潢清雅闊落，客人毋須背貼背進餐，擁有十足空間感。最重要還是選店，在這况找不到Food Court常客，例如麥×勞、大×樂、吉×家等，由專人從亞洲各地十選一，過五關斬六將才把名單擬好。今趟大部分食肆可以話首次投身美食廣場，當中不乏著名食府如上海南翔饅頭店、新加坡三巡海南雞飯、本地的Munch等。 二十一間食店雲集，自不然要鬥出個高下，發力鬥美味、鬥正宗、鬥落本，不少地方菜系派了當地廚師駐守，如南翔有兩位上海點心師傅、三巡亦來了兩位新加坡廚師，泰中意更是由內至外泰國人主理。咖喱屋雖然只得一位印籍大廚坐鎮，卻不惜工本添置昂貴的天多尼烤爐，這樣的Food Court，簡直已成為食壇的武林擂台。
 上海小籠包南翔饅頭店
|
)
)