29/03/2009
文： 追蹤組
人氣急升的Laughing哥謝天華，前晚出席劇集《學警狙擊》的結局宴，離開時已飲得腳步浮浮，全程需由助手攙扶，期間見人就攬，後來更捉實男監製肉緊咀嘴。
熱爆劇集《學警狙擊》前晚播出大結局，雖然Laughing哥壓軸再度出場被轟草率兼冇詳細交代他如何「生還」，但一班台前幕後均在將軍澳一間酒家舉行的結局宴盡興，包括苗僑偉（三哥）、謝天華、陳鍵鋒、樂易玲、梁家樹、林利、金剛及周永囱等。
憑Laughing哥突圍Hit爆的天華成為全晚焦點，幾杯到肚更即成「醉街主角」，在晚宴上飲至面紅耳赤的他，最後在男助手兼司機的攙扶下離開，準備隨大隊到洪天明有份投資的BASEMENT繼續狂歡。只見他情緒高漲，見人就攬，後來更捉實監製黃偉聲當眾咀嘴，嚇得旁邊友人即時彈開。而約於凌晨12時離開的陳鍵鋒，則做負責任司機，他說：「咁多記者効度，自己又要𡑔車，所以一刋酒都冇飲到。」而對於現場數名Fans要求合照，他亦有求必應，相當親民。
頻遮貓樣走後門
轉場繼續狂歡的天華，醉得腳步浮浮，但仍不忘舉手遮掩醉樣，要在助手攙扶下隨三哥步入酒吧。未幾見滕麗名與郭政鴻前後腳到場，二人逗留約半小時後再前後腳離開。玩至凌晨2時，三哥與太太戚美珍盡興而歸，但未見天華蹤影，及至一小時後，工作人員才向現場記者表示天華早已由後門離開。
)
)
)
)