30/01/2009
文： 音樂組
郭富城昨日出席活動時，預告情人節會跟熊黛林篤波兼打邊爐，更暗示完成音樂劇後大有機會結婚，戀情漸漸浮面！
城城昨日在尖沙咀海港城海運大廈出席《己丑年金龍獻瑞及福星高照醒獅賀歲》活動，他甫出場便為金龍及醒獅點睛，又獲財神爺送贈小金牛、金牛風車、利是及爆谷，寓意他的電影場場爆滿，財神爺更向城城大叫：「錫晒你！」城城即肉緊地送抱：「有財神爺照住，掂呀！」之後，城城落台大派金幣及利是，引起哄動！
問到何時正式派利是？城城笑笑口說：「暫時未諗住！因為呢幾年有好多工作大計，包括要完成音樂劇。（完成心願先結婚？）到時話畀大家知！」問到情人節如何跟熊黛林（Lynn）慶祝？他說：「都係篤波同打邊爐！Lynn係我朋友，佢効香港得一個人，如果佢怕悶，可以𨪛睇我篤波！」城城早前被拍到攜Lynn跟老友篤波，可見「城嫂」地位穩如泰山！
獲斟洽演李小龍
另外，對於有傳接拍《葉問》續集並飾演李小龍一角，城城表示有聽聞，但要視乎檔期，成事的話，Lynn將飾演其師母，但城城毫不介意：「冇所謂，都係工作⺊！專業演員唔會理對手係咩身份，亦唔會影響工作態度！」對於有雜誌拍得Lynn與6呎猛男逛街，城城說：「唔回應！」
)