20/12/2007
文： 外娛組
荷里活版《龍珠》籌備得如火如荼，繼艾美羅森和韓星朴俊亨參演外，周潤發亦落實飾演龜仙人，做「悟空」Justin Chatwin的師傅，首度與監製周星馳正式合作，齊闖荷里活。
美國權威電影雜誌《Hollywood Reporter》報道，發哥將成為改編同名日本漫畫的《龍珠》真人版最新兼最注目成員，飾演見靚女即噴鼻血的龜仙人，助悟空Justin Chatwin取得最強攻力，龜仙人的光頭及白鬍子，與發哥在《加勒比海盜：魔盜王終極之戰》中的嘯風船長造型亦有幾分相似。
新配搭正式交手
發哥昨日向本報證實已答應飾演該角色，但未正式簽約，他表示下月會到墨西哥拍攝兩個月，又指未試過接拍荷里活電影那麼倉卒：「之前同霍士拍《安娜與國王》時合作愉快，所以先會咁爽快做決定！」不過發哥自言對《龍珠》認識不深，亦未睇過漫畫，又慨嘆是時候演師傅等的老角色，不過因為要熟讀劇本，故沒有打算買漫畫來「惡補」。
發哥與星爺及成龍在八十年代港產片全盛期有「雙周一成」美譽，在影壇鼎足而立，但他卻從未跟星爺合作，反而今次在荷李活碰頭：「今次導演黃毅瑜又係華人，加埋星爺，可以組成『雙周一黃』，呢個亦係我接呢套戲簕原因之一。」而星爺及星輝公司方面則暫不作回應。
此外，李炳憲亦繼Rain和朴俊亨後進軍荷里活，正斟拍改編漫畫的特種部隊電影《義勇群英》，有望演出主角的死對頭。
第一手消息請瀏覽on.cc《即時新聞》
美眉打造至索靚相視頻盡展現
詳情請即瀏覽《北京超女》專輯
)