30/03/2007
陶大宇與太太阿寶一直是圈中模範夫妻，最後卻離婚收場，阿寶更力斥郭羨妮是第三者，圈中藝人都感到驚訝。
曾與大宇傳緋聞的宣萱坦言明白郭羨妮的感受：「我以前同大宇傳過緋聞，不過算啦！自己都經歷過畀人屈，講乜都冇用。（你撐佢？）咁又唔係，始終唔知人㳜發生乜事，（信唔信佢係第三者？）唔評論。其實我好耐冇同大宇見面，自從佢離開冲TVB後都冇乜合作。當年同過佢太太打羽毛球，佢個人好友善。（大宇係正人君子？）OK啦！（佢花心？）同佢只係朋友，佢効呢方面絕對係好人。」
鍾嘉欣：女藝人好慘
「我同Sonija做過騷，覺得佢係好人。（影響形象？）絕對係，但我信Sonija為人唔係咁，其實做女藝人好慘，成日同人傳緋聞，狐狸精呢個名冇一個女人想有。」
佘詩曼：感情要小心
「我唔信，聽到當然唔開心。（打畀郭羨妮？）未！見到會傾，但唔會再問呢件事。（破壞形象？）男女間私事要盡量小心，以唔傷害人為原則。」
薛家燕：離婚非壞事
「同郭羨妮唔係好熟，但係佢緋聞太多，會影響事業，希望佢好好咁處理緋聞。離婚都未必係壞事，如果大家仲愛對方，仲有機會復合。」
郭晉安：得太太信任
「我同Sonija合作過，係唯一冇同佢傳緋聞簕拍檔。平時同女演員少傾電話，太太絕對信任。（有冇女演員投懷送抱？）有都叫佢將感情轉移落套劇。」
金像獎候選人獨家視頻專訪
請即瀏覽on.cc《第二十六屆香港電影金像獎》專輯
)
)