22/11/2006
文： 娛樂小組
今屆金馬獎選舉可謂勢均力敵，雖然獎項誰屬至今尚未揭盅，不過為了湊熱鬧，本報同場加映《金馬獎外傳》選舉，並邀請了超過三十名藝人共同參與，郭富城和周迅成為他們心目中的大熱人選！
第四十三屆金馬獎將於十一月二十五號（星期六）假台北舉行，而本報同場加映的《金馬獎外傳》選舉，邀請了梁朝偉、劉德華、蔡卓妍和鄭中基等三十多名藝人參與，實行在頒獎禮前先來一場前哨戰。經過一輪投票後，選舉結果分別由令人費解的《指間的重量》榮獲「最刁鑽戲名」；而力敵影帝級人馬的李璨琛勇奪「最沙Pop候選人」；未能入圍金馬獎令人大跌眼鏡的黃秋生獲選「評審最睇漏眼」；至於影帝及影后則分別由郭富城以及周迅勝出。
偉仔唔敢得罪女友
眾多藝人中，身份最尷尬的當然是女友有份角逐金馬影后的梁朝偉，為免「投又死唔投又死」，偉仔最後在影后投票中棄權：「呢個唔可以亂揀……都係棄權啦！」至於李璨琛，竟然在「最沙Pop候選人」中投自己一票：「你諗𣈳一隻狗去挑戰老虎，係咪好大膽先？」
戰況最激烈的，非「最刁鑽戲名」和影帝莫屬，兩者均以兩票之差壓倒對手。很多藝人覺得《指間的重量》這戲名不可思議，劉德華說：「都唔知講乜，諗死人咩！」而眾望所歸的肯定是黃秋生，在「評審最睇漏眼」選舉中，以五票的優勢拋離譚家明導演，支持者鄭中基更抵死地說：「秋生做戲咁好，點會冇佢份！如果有機會我真係想開部戲畀佢，仲要安排佢死三十次，睇𣈳佢點死法，哈哈！」
)