16/08/2006
文： 音樂小組
郭富城昨日化身「新潮皇帝」，坐在金色龍椅上出席月餅記者會，氣勢逼人。當看見比堅尼女郎時，他似乎有點尷尬，但事後卻死撐說：「皇上見慣大場面！」
城城昨日出席聖安娜月餅記者會，大會特別安排「選妃」環節，三位女模穿上旗袍、便裝與比堅尼出現，還有一位小妹妹扮演兔女郎。當城城看見比堅尼女郎時，即顯得有點尷尬，但他事後否認：「皇上見慣大場面，況且工作上成日都有機會接觸，好平常！」他更與兔女郎互餵月餅，但問到會否送月餅給緋聞女友藤原紀香，他即表示不想再提！
談及代言酬勞，城城表示一向不會過問：「我只係做好自己工作，理財又有人去理，我就好似打工仔咁，唔可以隨便使錢，平時就有零用錢用。」原來他曾打算開餅店，因為他覺得為女士服務特別浪漫。
對於出爐港姐冠軍陳茵媺被指整容，身為大會評判的他說：「評判唔會理負面新聞，我㳜幾位評判一致覺得佢好大方，好能夠代表香港，三甲都係我心水。」至於大熱徐淑敏落選，城城認為她當晚「跌Watt」，影響表現。
陪大肚靚靚搵食
另外，他昨日凌晨駕駛波子跑車，與駕駛黑色林寶堅尼的沈嘉偉、沈嘉偉弟弟、腹大便便的袁詠儀與張智霖到銅鑼灣食雲吞麵，半小時後，靚靚一馬當先離開，張智霖緊隨其後，但全程未有攙扶她，反而沈嘉偉弟弟開車門讓靚靚上車，盡顯風度。
)
)
)