26/07/2006
文： 專題小組
名模Amanda Strang大前晚凸點買外賣，還與男友當街咀咀，想不到事隔一日上煮食節目的她繼續飛釘，並逢男送香吻，令她順利取得高分。
大前晚Amanda以凸點街坊裝，拖狗現身跑馬地買外賣，等候期間並與外籍男友互餵紙包飲品，又情不自禁當街咀咀，相當煙韌。而前晚她與周麗淇及袁潔瑩為無㵟《美女廚房》錄影，模特兒出身的她以真空飛釘出場，大受歡迎，一眾男主持與評判睇到眼甘甘，其中陳小春顯得最𦮳，即使她兩度煮食煮到爆粗講︰「Sxxt！」一樣被電到暈陀陀。
自爆有兩三個男友
小春全晚擺明「搞鬼（妹）」，講半鹹半淡的英文勁「撩」Amanda傾偈，先是問她：「你有冇男友？」被Amanda搞笑反問：「兩、三個，你想唔想做第三個？」小春即笑說：「畀6個月時間我準備𣈳。」然後又關心下廚的她是否口渴，主動拿汽水給她，結果獲Amanda贈送香吻，梁漢文與方力申有樣學樣，照樣「仆」倒去送飲品，同被回贈香吻，最鬼馬是廚師評判笑指冇得錫畀9分，Amanda即識做撲前互錫，𦮳到廚師評判改寫10分，小春即扮呷醋冇眼睇。
小春事後否認𦮳Amanda：「好似Party玩⺊！從來唔鍾意鬼妹，我係中國人，都唔識英文。」
)