14/01/2006
文： 專題小組
今屆華裔小姐大熱佳麗吳慧琪突然退選，各佳麗即不放過出位機會，昨日去海洋公園遊玩時，諗計博出位，其中(3)紐約佳麗王倩最高招，玩完跳樓機後，突然眼泛淚光抹眼淚，成功出位！本屆《國際華裔小姐競選》由於大熱門蒙特利爾小姐吳慧琪退選，只剩下16位候選華姐競逐，昨日大會安排佳麗到海洋公園進行活動，未知是否大敵退選，各佳麗為求出位，各出其謀。 玩「跳樓機」時，佳麗都表現得極為踴躍，大部分都肯參與，其中(3)王倩，雖然膽戰心驚，但一於頂硬上，只見她在跳樓機上，全程用力捉緊身邊佳麗，玩完跳樓機後，她起初也強作鎮定，高舉勝利手勢，但愈影她愈驚，突然眼泛淚光，用手抹眼淚，要勞煩化妝師補妝，認真出位！ 事後她解釋：「我本來唔打算玩跳樓機，但其他佳麗叫我一齊玩，所以先上去，但全程都好驚，冇睜開過眼，下次都唔敢再玩，呢次係第一次玩。」 至於同為大熱的(7)約翰內斯堡佳麗呂怡慧，則選擇「以靜制動」搞突出，全程唔玩機動遊戲，她表示因怕太刺激，不敢嘗試。問到勁敵吳慧琪退選，會否覺得少一位對手？呂怡慧說：「不會，她離開大家也很傷心，況且我參選係以平常心，有否獎項無所謂。」
葉翠翠勁 High
至於香港代表葉翠翠昨日心情顯得非常輕鬆，玩海盜船時，毫無顧慮地狂叫，問到吳慧琪的退選是否少一位勁敵，她大方得體地說：「我諗佢退選，冇一個會開心，佢離開時，我㳜全部女仔都有一齊食早餐歡送佢。」除玩機動遊戲外，佳麗亦有去餵飼海獅及欣賞海豚表演，(1)溫哥華佳麗李培禎及(9)吉隆坡佳麗江佩被抽中，可以在訓練員帶領下同海豚近距離接觸及餵海豚。 對於吳慧琪退選，大型活動統籌科經理陳紫蓮說：「印象中佢係第一個退選簕華姐，雖然覺得好可惜，但都會尊重佢父母簕決定。」
|
)
)
)