千嬅恨幫男友織被
16/11/2005

楊千嬅與舊愛鄭中基前後腳出席《殺破狼》慈善首映禮，但二人同場不相見！千嬅出席《金馬獎》後從台灣返港，她讚頒獎禮好玩，並笑說：「睇報紙先知郭富城賠率咁高，早知就買重佢啦！」

對於未能登上影后寶座，千嬅未感失望，她說：「冇試過戴咁貴簕首飾，好開心，好耐冇放假，我專登改機票食麻辣火鍋！」而千嬅到達台灣第一件事就是買毛冷，她說：「好多頸巾都係自己織，以前都有織過畀男仔，又平又有心思，如果依家有對象簕話，織張被畀佢都制！」



       



與任達華結伴到場的千嬅，情緒十分高漲。