SUN娛樂…本地娛樂

吳美珩唔結婚都要生仔   12/08/2005 以前有傳過吳美珩秘密結婚，但當事人一直都唔肯承認，尋日佢同曹永廉、廖碧兒、陳宇琛出席公開活動，佢話要去三藩巿出席細妹個婚禮，即刻吸引好多記者向佢追問。諸事姐梗係唔放過呢個機會，問佢係咪畀個細妹爬頭，美珩好醒目，話唔會正面答呢個問題，只可以講目前狀況係穩定，佢話對結唔結婚冇所謂，但係已經有心理準備隨時生仔，因為呢個係女人必經階段，佢當然唔例外。

曹永廉（左起）、廖碧兒、吳美珩與陳宇琛為人氣劇集《妙手Ⅲ》宣傳。