 |
|
怪風吹跌反光板腳架
胡定欣被扑傷面痛哭怕毀容
無㵟新紮姐仔胡定欣昨日拍新劇，未埋位時被反光板從後扑中，左肩劇痛難當，而臉頰更遭鐵框擦損，有破相之危，又驚又痛的她即時瑟縮痛哭！
林文龍、胡定欣、姜大偉與郭政鴻昨日於南生圍拍無㵟新劇《布衣神相》，事發前胡定欣坐在一旁等埋位，豈料突然一陣狂風，吹翻她身後的反光板腳架，整件器材即時塌下，鐵框更擦損她臉頰，發出轟然巨響！由於事出突然，慘被扑中的胡定欣痛得瑟縮掩面痛哭，加上怕被毀容，好不狼狽！
工作人員見狀即為胡定欣檢查傷勢，並遞上冰塊敷面，伊人定過神後發現左面頰遭擦損見血，左邊膊頭更劇痛難耐：「死啦！會唔會破相蕂！」在旁的林文龍即說：「今日星期幾？有冇買六合彩？你咁都中簕？」郭政鴻則附和：「TVB冇個花旦𠍇損面，你紅梗喇！」兩男一唱一和緩和氣氛，終蕌得伊人破涕為笑。
|
|
 頂硬上續拍
經過一輪休息及敷面後，胡定欣說：「雖然套劇好多動作戲，好在都順利過關，估唔到坐定定反而出事！（驚唔驚毀容？）梗係驚啦！女藝人靠塊面蕂嘛！希望傷口唔會留疤啦！」林文龍則安慰她說：「好彩冇中正頭獎咋！都算不幸中之大幸！」其後胡定欣還頂硬上繼續拍攝，相當專業，而導演亦識做提早放人，讓她回家休息。
|
|
|
|