SUN娛樂…本地娛樂

緋聞男女黃宗澤唐寧拍結婚戲
蕭亮遭導演爆粗趕離場


文: 專題小組20/06/2005

「攝石人」蕭亮雖然已沉寂了一段日子,但日前他為新劇拍攝一場結婚戲時又再度「發功」,疑因企位問題與導演鬧大交,更被即時趕離場!


緋聞情侶黃宗澤和唐寧日前在堂為新劇《阿旺新傳》拍攝一場結婚戲,連最近被指是「第三者」的曹永廉亦有在場,並要送上禮物祝賀新人;對於傳搞三角戀,三人均異口同聲否認。
反而,在劇中飾演新娘子唐寧父母的蕭亮和陳曼娜,卻因一場大合照戲份招惹是非。向有「攝石人」稱號的蕭亮不滿導演要求他站在女婿黃宗澤身邊而大動肝火,解釋在外國社會女方父親應站在女兒身邊,導演在屢勸無效情況下,即以粗口大罵:「Fxxking bull shit!」
被鬧的蕭亮堅持不讓步,還表示要讓記者先影相,導演見狀立即阻止,厲聲對蕭亮說:「唔聽導演話咁冇演員道德,你同我即刻離開。」最後蕭亮仍未完成這組戲,便由劇務安排下被迫離開拍攝場地。

做演員應該聽話

同場的郭晉安表示當時場面尷尬:「唔知佢為乜咁做!入行咁多年,我一早學識無論如何都要聽導演話,我唔知點解佢情緒咁唔穩定,希望佢冇事,但我覺得導演冇錯。」而劇中飾演蕭亮老婆的陳曼娜亦支持導演說:「我第一次同蕭公子合作,大家唔熟唔敢批評佢,但導演係砥A做演員應該聽話。」而監製黃偉聲則說:「蕭亮戲份已完成晒,所以冇影響,但我扑|向藝員部反映w!」
記者曾致電蕭亮,但他知道是記者後,便立即收線。
黃宗澤(左起)、唐寧和陳曼娜拍結婚戲,蕭亮硬要站在唐寧身邊,場面十分尷尬。