太陽報網頁： SUN 生活

SUN娛樂…本地娛樂

《抗癌勇士》
尹志強患鼻咽癌
我唔敢同米雪講

文：楊少卿 24/09/2003

有「亞洲第一中鋒」之稱的尹志強，征戰球場多年，有運動員不屈不撓的特性，誰知退役後竟不幸患上鼻咽癌，更一度不敢告訴女友米雪，幾經思量，才決定與至親一同面對。

患癌不等於世界末日

世事有時巧合得像電影情節。
92年，在病發前半年，我第一次接觸「鼻咽癌」三個字，當時我與明星足球隊成班人齊齊為威爾斯醫院籌款，善款用作買治療鼻咽癌雷射機。是次籌款活動好成功，之後，威院一位桝授送我們一人一本有關鼻咽癌的英文書籍，我看幵書面心想：「鼻咽癌？乜𨪛蕂！」揭開第一頁只望到「鼻咽癌」三個字，即刻𠊠埋本書。
想不到半年後，鼻孔竟然時不時流出血絲，去睇醫生，醫生指沒有大問題，但食完藥，血絲仍從鼻孔流出，覺得奇怪，再去睇專科醫生，醫生檢查完跟我說：「可能係Cancer（癌症）。」頃刻我呆一呆想：「唔知係唔係？再驗多次等報告。」出報告當日是星期三，這一日我好記得，醫生幵我到醫務所，已心知不妙，懷幵忐忑不安的心情去見醫生，醫生有話直說：「係鼻咽癌。」
「點解會咁蕂？我咁後生、又係運動員……」聽到「癌」字，我好震驚，個腦一片空白，過了數分鐘，我問醫生：「使唔使即刻死？」
醫生：「咁就唔會……」
未待他講解完，我即刻接上：「咁得啦！我聽日要同明星足球隊去廣西南寧為孤兒院籌款，依家我乜都唔諗住。」因為這個籌款活動一手一腳由我統籌，不去不安心。結果，我翌日真的去了南寧，我沒有告訴任何人，包括米雪同阿媽，原因？她們知道後一定不准我四圍去。

知道患鼻咽癌後，尹佬仍然北上扶貧。

運動員堅毅不屈

到了南寧我暫時忘記有病在身，興高采烈與一大班孤兒玩，為他們籌款，籌到三百萬元，成績很好。臨走前一晚，我決定要醫好這個病，走去曾志偉房交帶一下，這位老友是醫生以外，第二個知我有Cancer的人。一入房，我說：「喂！志偉，跟住搞簕籌款活動，我唔可以去。」
志偉不以為然地問：「點解呀？」
「我要同Cancer打仗。」他驚訝地反問：「Cancer！你有Cancer？唔係呀！見你踢波、玩呀！好精神喎！」
我堅定地答：「係！我患冲鼻咽癌。」
當時，志偉表情好迷惘，一臉狐疑不停問我：「真定假？」但再問，答案仍是一樣。若問我為何如此鎮定，唔怕死咩？全因運動員堅毅不屈性格，令我堅強去面對。因為扶貧經常見到別人的慘況，知道世事無常，有些事情要發生也阻不到。

勇敢告訴親人

由南寧回到香港，落機當晚已是凌晨二時，志偉已跟阿倫（譚詠麟）、阿叻（陳百祥）同張國忠等說了，他們急Call我到酒店見面，開口便對我說：「唔使驚，你乜都唔好諗，醫好個病先。」朋友的關懷給我極大鼓勵，令我更有信心戰勝死神。
開大會後翌日，阿叻二話不說，與余錦遠買了機票，捉我去見白龍王。這位好兄弟，真的夠義氣。飛到泰國見師傅（白龍王），師傅告訴阿叻：「放心，你㳜仲有幾十年朋友做。」雖然我絕少求神問卜，但聽了這番話感覺很好。
朋友全都知了，米雪幾時知？她知道後淚眼汪汪不停鬧！怪我以前唔好好理個身體，都是女人婆婆媽媽的說話。其實要告訴親人這消息，實在很難開口！

放鬆心情全力醫病

向朋友、家人交代的心理關口過了，人輕鬆了不少，全力醫病。
今次又到威院，不再是籌款，而是進行第一次電療，電療前，我向醫生提出三個疑問：
第一：「使唔使戒口？因為我好鍾意食蝦蟹。」
醫生話：「唔使戒呀！」
第二：「使唔使戒酒？」
醫生話：「飲少少，唔使戒呀！」
第三：「使唔使戒色？」
醫生話：「唔使，適當冇所謂。」
聽完之後鬆晒，我只是不想畀自己壓力，怕乜怕物，上述三項我全部未戒過，至少，我同老婆行房都唔驚會死呀！所以我經常同癌症病人講：「一定要信醫生，疑人勿用。如果連自己醫生都唔信，咁死得啦！」（明天待續）

保健養生之道