|
何定鈞昨日提到有傳旗下歌手合約將會改制，以杜絕歌手以普通話接受其他電視台訪問一事，他說：「要尊重番合約精神，有漏洞就要改善，依家競爭好大，簽約歌手接受其他訪問，梗係唔可以，但係用演員身份去宣傳電影活動，如歌手預先知會公司，據我理解係可以，不過都要再諮詢法律係點。（如果有歌手唔認同做法？）如果歌手唔認同做法，可以唔同無㵟簽合約，簽冲有義務跟合約去做，唔通用英文、法文做訪問又得呀！（有人違約點辦？）唯一解決方法係解約。（係咪因有線有新台成立，先收緊條例？）唔會，一向都係咁，唔明點解有呢個報道，其實合約條款一路改緊，因應環境轉變。」
昨日正式啟播的有線電視娛樂新聞台，在時代廣場外舉行盛大啟播儀式，除了有成龍作為主禮嘉賓，還有Beyond、李珊珊、麥家琪及呂頌賢等沒有合約在身的藝人出席，席上徐小明以有線電視節目部執行董事身份談論無㵟新方案，他說：「尊重合約精神係好應該，但唔好引起咁大波瀾，大家同行做喜事，賀喜一句咪算囉！係咪要効商業上咁大衝擊，畀機會藝人溝通𣈳、講𣈳，世界媒體都進步得好快，合約咁死，藝人、經理人同唱片公司都要重新去考慮。」
被問會否擔心電視台被封殺，徐小明說：「真係有封殺，我㳜考慮開個音樂台，保證番多刋機會畀藝人，相信其他媒體都會一呼百應。」 | |
 | | 何定鈞表示要尊重合約精神，簽約歌手不可以接受其他訪問，違規者即遭解約。 |
|